hamaare shahr mein aane ki surat chaahti hain — Zulfeqar Ahmad Tabish

ye dar-o-divaar par be-naam se chup-chaap saae
phulon raston aur bachchon ki hifaazat chaahte hain

— Zulfeqar Ahmad Tabish

peDon ki ghani chhaanv aur chait ki hiddat thi
aur aise bhaTakne mein anjaan si lazzat thi

— Zulfeqar Ahmad Tabish

kis kaa chehra DhunDaa dhuup aur chhaanv mein
aur khvaabon mein rang bhare to kis ke liye

— Zulfeqar Ahmad Tabish

ye naqsh-e-khushnumaa dar-asl naqsh-e-aajizi hai
ki asl-e-husn to andesha-e-bahzaad mein hai

— Zulfeqar Ahmad Tabish

vo saaneha huaa thaa ki bas dil dahal gae!
ik shab mein saare shahr ke chehre badal gae

— Zulfeqar Ahmad Tabish

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal