phir chak-damani ki hamen qadr kyuun na ho — Natiq Gulavthi

hamare aib men jis se madad mile ham ko
hamen hai aaj kal aise kisi hunar ki talash

— Natiq Gulavthi

ham to masjid se bhi mayus hi aa.e 'natiq'
koi allah ka banda to musalman hota

— Natiq Gulavthi

hamen jo yaad hai ham to usi se kaam lete hain
kisi ka naam lena ho usi ka naam lete hain

— Natiq Gulavthi

be-khud-e-shauq huun aata hai khuda yaad mujhe
rasta bhuul ke baiTha huun sanam-khane ka

— Natiq Gulavthi

ab main kya tum se apna haal kahun
ba-khuda yaad bhi nahin mujh ko

— Natiq Gulavthi

tum aise achchhe ki achchhe nahin kisi ke saath
main vo bura ki kisi ka bura nahin karta

— Natiq Gulavthi