Ahmad Sageer

zard mausam ne darakhton ki zaban sil di thi
phir koi phuul hansa aur khizan haar ga.i

qum-be-iznil-ishq se dil zinda karega
ye mujh se mohabbat ke masiha ne kaha hai

kaisi 'ajib hai ye mohabbat ki zindagi
do pattharon men jaan paDi aur mar ga.e

ashk roko nahin bah jaane do varna ik din
ye nami jism ki divar ko kha ja.egi

jise bhula diye jaane ke dukh ne maar diya
pata chala hai use yaad kar raha tha koi

tha mast bandhne men vo tamhid-e-zakhm-e-dil
siine ke ik shigaf pe ungli dhare hue

zard mausam ne darakhton ki zabaan sil di thi
phir koi phuul hansaa aur khizaan haar gai

khudaa-yaa apne kun ki laaj rakh le
tiraa shahkaar zaae' ho rahaa hai

javaab aae na aae shikan to aaegi
savaal puchh hi lenaa agarche Darte hue

dastaras mein na rahe lafz-gari behtar hai
ham agar bol paDeinge to bahut boleinge

ajnabiyyat ki jhalak dekhi gai lahje mein
baat Darne ki hai is baat pe Dar jaaiye naa

zard chehron se udaasi ke bichhaDne kaa sabab
log puchheinge to kah denaa ki dukh haar gayaa