Fana Nizami Kanpuri

mujhe rutba-e-gham batana paDega
agar mere pichhe zamana paDega

tire va.adon pe kahan tak mira dil fareb khaa.e
koi aisa kar bahana miri aas TuuT jaa.e

ik tujh ko dekhne ke liye bazm men mujhe
auron ki samt maslahatan dekhna paDa

duniya-e-tasavvur ham abad nahin karte
yaad aate ho tum khud hi ham yaad nahin karte

koi paband-e-mohabbat hi bata sakta hai
ek divane ka zanjir se rishta kya hai

tu kuchh to mire zabt-e-mohabbat ka sila de
hangam-e-'fana' dida-e-pur-nam ki tarah aa

gham se naazuk zabt-e-gham ki baat hai
ye bhi dariyaa hai magar Thahraa huaa

vo aankh kyaa jo aariz o rukh par Thahar na jaae
vo jalva kyaa jo diida o dil mein utar na jaae

mujhe rutba-e-gham bataanaa paDegaa
agar mere pichhe zamaana paDegaa

tire vaadon pe kahaan tak miraa dil fareb khaae
koi aisaa kar bahaana miri aas TuuT jaae

ik tujh ko dekhne ke liye bazm mein mujhe
auron ki samt maslahatan dekhnaa paDaa

koi paaband-e-mohabbat hi bataa saktaa hai
ek divaane kaa zanjir se rishta kyaa hai