Lala Madhav Ram Jauhar

"den jise chahen dil hamara hai is men kya aap ka ijara hai"

"istikhare ke liye baagh men ham rindon ne bar-ha dana-e-angur ki ki hai tasbih"

"is bala ko to khuda jald kare shahr-badar kaale paani ko ravana shab-e-hijran ho jaa.e"

"ai dost tujh ko rahm na aa.e to kya karun dushman bhi mere haal pe ab ab-dida hai"

"samjha liya fareb se mujh ko to aap ne dil se to puchh lijiye kyuun be-qarar hai"

"dil mira khvab-gah-e-dilbar hai bas yahi ek sone ka ghar hai"

haae main kis ko bataaun kaun dil ko le gayaa
shakl dekhi hai magar vaaqif nahin huun naam se

bhaanp hi leinge ishaara sar-e-mahfil jo kiyaa
taaDne vaale qayaamat ki nazar rakhte hain

ghairon se to fursat tumhein din raat nahin hai
haan mere liye vaqt-e-mulaaqaat nahin hai

laDne ko dil jo chaahe to aankhein laDaaiye
ho jang bhi agar to mazedaar jang ho

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

naama-bar naa-umid aataa hai
haae kyaa sust paanv paDte hain