Mahmood Ahmad Hashmi

raa.e kya qaa.em karenge ajnabi us shahr men
rasta batla.e jahan par ek andha aadmi

ishq vo giit jo umron ki riyazat mange
kaun is giit ko asani se ga sakta hai

raat ko ashk diye khuun diya aahen diin
phir kahin ja ke ye 'mahmud' ujale hue hain

beTiyan sab ke muqaddar men kahan hoti hain
ghar khuda ko jo pasand aa.e vahan hoti hain

ik tira hijr jo balon men safedi laaya
ik tira shauq jo siine men javan rahta hai

ism-e-azam bhi mire saath safar karta hai
meri kashti men jo baiThega amaan pa.ega

zulm bhi sharmaa rahaa hai adl ki mizaan se
kuud jaanaa chaahiye minaar-e-paakistaan se

aisaa kahaan ye zaaiqa gandum ke paas hai
roTi mein maan ke haath ki shaamil miThaas hai

miri vafaa mein kami hai to mujh se baat kare
use kaho ki vo aae muzaakaraat kare

raae kyaa qaaem kareinge ajnabi us shahr mein
rasta batlaae jahaan par ek andhaa aadmi

pahle soyaa kartaa thaa 'mahmud' lambi taan kar
phir shuur aataa gayaa aur ratjage baDhte gae

miri tarah se shajar bhi hain baaghiyaana mizaaj
jahaan se kaaTe gae the vahin se ug aae