Masroor Shahjahanpuri

kahan hai tab-o-taqat jis pe tum ko naaz rahta tha
javani par na tum 'masrur' itrate to achchha tha

marhum sha'iron ka jo mil jaa.e kuchh kalam
sarqe ka le ke jaam chalo sha'iri karen

miyan 'masrur' rahiyega sanbhal kar
raqibon ki zamanat ho ga.i hai

un ki ammi ho chalin thiin rafta rafta ham-khayal
haan magar abba ka un ke varghalana yaad hai

ga.e the balTi bharne pe un se ishq kar baiThe
ghaDe apne kisi masjid se bhar laate to achchha tha

khvab jab se ik hasina ke nazar aane lage
maulvi sahab bhi beauty parlour jaane lage

ham ko gham-e-furqat mein do din hi bukhaar aaya
kyaa shakl nikal aai laa-haul valaa quvvat

phir se vo yogaa ki varzish kar rahe hain baam par
phir se laTh apne mohalle mein vo chalvaaeinge kyaa

bahaane-baaz hain makkaar hain jhuTe hain shaatir hain
mile hain ab kahin jaa kar unhein ushshaaq Takkar ke

tiin din tak khauf ke maare chhupe the jis jagah
us jagah banne ko thaa ik ghusl-khaana yaad hai

hamaare shaikh ji phir se shifaa-khaane mein daakhil hain
bahut akhlaaq ke qaail hue hain ek sister ke

gae the baalTi bharne pe un se ishq kar baiThe
ghaDe apne kisi masjid se bhar laate to achchhaa thaa