Ranjoor Azimabadi

mujh ko kaafi hai bas ik tera muafiq hona
saari duniya bhi mukhalif ho to kya hota hai

ilm hasil kar ke bhi milti nahin hai naukri
rahm ke qabil hai bas halat hamari in dinon

buton men kis bala ki hai kashish allah hi jaane
chale the shauq-e-ka.aba men sanam-khane men ja nikle

dikha kar zahr ki shishi kaha 'ranjur' se us ne
ajab kya teri bimari ki ye hakmi dava nikle

agar chilman ke bahar vo but-e-kafir-ada nikle
zaban-e-shaikh se salle-ala salle-ala nikle

huiin azad qaid-e-shar.a se ta.alim ke sadqe
pakaD kar dast-e-na-mahram na kyuun utren vo TamTam se

dikhaa kar zahr ki shishi kahaa 'ranjur' se us ne
ajab kyaa teri bimaari ki ye hakmi davaa nikle

agar chilman ke baahar vo but-e-kaafir-adaa nikle
zabaan-e-shaikh se salle-alaa salle-alaa nikle

huiin aazaad qaid-e-shara se taalim ke sadqe
pakaD kar dast-e-naa-mahram na kyuun utrein vo TamTam se

gharaz ki vaqton mein ham ne aksar lagaai hai muslimon se yaari
magar gharaz jab rahi na baaqi to un se naahaq ulajh paDe hain

mujh ko kaafi hai bas ik teraa muaafiq honaa
saari duniyaa bhi mukhaalif ho to kyaa hotaa hai

ilm haasil kar ke bhi milti nahin hai naukri
rahm ke qaabil hai bas haalat hamaari in dinon