dikhaa kar zahr ki shishi kahaa 'ranjur' se us ne — Ranjoor Azimabadi

agar chilman ke baahar vo but-e-kaafir-adaa nikle
zabaan-e-shaikh se salle-alaa salle-alaa nikle

huiin aazaad qaid-e-shara se taalim ke sadqe
pakaD kar dast-e-naa-mahram na kyuun utrein vo TamTam se

gharaz ki vaqton mein ham ne aksar lagaai hai muslimon se yaari
magar gharaz jab rahi na baaqi to un se naahaq ulajh paDe hain

mujh ko kaafi hai bas ik teraa muaafiq honaa
saari duniyaa bhi mukhaalif ho to kyaa hotaa hai

ilm haasil kar ke bhi milti nahin hai naukri
rahm ke qaabil hai bas haalat hamaari in dinon

buton mein kis balaa ki hai kashish allaah hi jaane
chale the shauq-e-kaaba mein sanam-khaane mein jaa nikle

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa