ilm haasil kar ke bhi milti nahin hai naukri — Ranjoor Azimabadi

dikhaa kar zahr ki shishi kahaa 'ranjur' se us ne
ajab kyaa teri bimaari ki ye hakmi davaa nikle

agar chilman ke baahar vo but-e-kaafir-adaa nikle
zabaan-e-shaikh se salle-alaa salle-alaa nikle

huiin aazaad qaid-e-shara se taalim ke sadqe
pakaD kar dast-e-naa-mahram na kyuun utrein vo TamTam se

gharaz ki vaqton mein ham ne aksar lagaai hai muslimon se yaari
magar gharaz jab rahi na baaqi to un se naahaq ulajh paDe hain

mujh ko kaafi hai bas ik teraa muaafiq honaa
saari duniyaa bhi mukhaalif ho to kyaa hotaa hai

buton mein kis balaa ki hai kashish allaah hi jaane
chale the shauq-e-kaaba mein sanam-khaane mein jaa nikle

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

savaal karti kai aankhein muntazir hain yahaan
javaab aaj bhi ham soch kar nahin aae

faasle aise bhi honge ye kabhi sochaa na thaa
saamne baiThaa thaa mere aur vo meraa na thaa

main ne ye soch ke boe nahin khvaabon ke darakht
kaun jangal mein uge peD ko paani degaa

ye pahlaa ishq hai tumhaaraa soch lo
mire liye ye raastaa nayaa nahin