Saleem Siddiqui

beDiyan Daal ke parchha.in ki pairon men mire
qaid rakhte hain andheron men ujale mujh ko

aaj rakkhe hain qadam us ne miri chaukhaT par
aaj dahliz miri chhat ke barabar hui hai

kaun sa jurm khuda jaane hua hai sabit
mashvare karta hai munsif jo gunahgar ke saath

ham aadmi ki tarah ji rahe hain sadiyon se
chalo 'salim' ab insan ho ke dekhte hain

apne jiine ke ham asbab dikhate hain tumhen
dosto aao ki kuchh khvab dikhate hain tumhen

umr bhar jis ke liye peT se bandhe patthar
ab vo gin gin ke khilata hai nivale mujh ko

miTTi ki fazilat pe bahut she'r kahe hain
sone se likhaa jaaegaa divaan hamaaraa

aankhein taDap rahi hain miri kuchh khayaal kar
band-e-qabaa ko khol badan ko bahaal kar

kaun sukhe hue phulon ki taraf dekhtaa hai
zakhm thoDe se hare hon to numaaish karein ham

huun paarsaa tire pahlu mein shab guzaar ke bhi
main be-libaas nahin pairahan utaar ke bhi

ham aadmi ki tarah ji rahe hain sadiyon se
chalo 'salim' ab insaan ho ke dekhte hain

umr bhar jis ke liye peT se baandhe patthar
ab vo gin gin ke khilaataa hai nivaale mujh ko