Sardar Ganda Singh Mashriqi

ashiq-mizaj rahte hain har vaqt taak men
siina ko is tarah se ubhara na kijiye

ka.aba ko agar manen ki allah ka ghar hai
but-khana men bhi shaikh nahin koi makin aur

khola darvaza samajh kar mujh ko ghair
kha ga.e dhoka miri avaz se

jo munh se kahte hain kuchh aur karte hain kuchh aur
vahi zamana men kuchh ikhtiyar rakhte hain

shaikh chal tu sharab-khane men
main tujhe aadmi bana dunga

phaaD kar khat us ne qasid se kaha
koi paigham-e-zabani aur hai

ai shaikh apnaa jubba-e-aqdas sambhaaliye
mast aa rahe hain chaak garebaan kiye hue

maza dekhaa kisi ko ai pari-ru munh lagaane kaa
ab aaina bhi kahtaa hai ki main madd-e-muqaabil huun

phaaD kar khat us ne qaasid se kahaa
koi paighaam-e-zabaani aur hai

shaikh chal tu sharaab-khaane mein
main tujhe aadmi banaa dungaa

tum jaao raqibon kaa karo koi mudaavaa
ham aap bhugat leinge ki jo ham pe bani hai

aage mere na tikhi maar ai shaikh
raat kaa maajraa sunaa dungaa