Tahir Faraz

mire hunar ka use bhi na tha kuchh andaza
malal ye hai use dusri shikast hui

kya khabar thi aa.ega ik roz aisa vaqt bhi
meri goya.i tira munh dekhti rah ja.egi

jin ko nindon ki na ho chadar nasib
un se khvabon ka hasin bistar na maang

kaash aisa koi manzar hota
mere kandhe pe tira sar hota

jail se vapas aa kar us ne pan.cho vaqt namaz paDhi
munh bhi band hue sab ke aur badnami bhi khatm hui

is bulandi pe bahut tanha huun
kaash main sab ke barabar hota

kyaa khabar thi aaegaa ik roz aisaa vaqt bhi
meri goyaai tiraa munh dekhti rah jaaegi

jab bhi TuuTaa mire khvaabon kaa hasin taaj-mahal
main ne ghabraa ke kahi 'mir' ke lahje mein ghazal

kaise maanun ki zamaane ki khabar rakhti hai
gardish-e-vaqt to bas mujh pe nazar rakhti hai

kaash aisaa koi manzar hotaa
mere kaandhe pe tiraa sar hotaa

taarikiyon ne khud ko milaayaa hai dhuup mein
saaya jo shaam kaa nazar aaya hai dhuup mein

aadmi huun vasf-e-paighambar na maang
mujh se mere dost meraa sar na maang