jab bhi TuuTaa mire khvaabon kaa hasin taaj-mahal — Tahir Faraz

kyaa khabar thi aaegaa ik roz aisaa vaqt bhi
meri goyaai tiraa munh dekhti rah jaaegi

kaise maanun ki zamaane ki khabar rakhti hai
gardish-e-vaqt to bas mujh pe nazar rakhti hai

kaash aisaa koi manzar hotaa
mere kaandhe pe tiraa sar hotaa

taarikiyon ne khud ko milaayaa hai dhuup mein
saaya jo shaam kaa nazar aaya hai dhuup mein

jin ko nindon ki na ho chaadar nasib
un se khvaabon kaa hasin bistar na maang

aadmi huun vasf-e-paighambar na maang
mujh se mere dost meraa sar na maang

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

rakh liyaa thaa main ne roza jaan tumhaare naam kaa
tum ko dekhaa khvaab mein aur meri sehri ho gai

yaa rab hamein to khvaab mein bhi mat dikhaaiyo
ye mahshar-e-khayaal ki duniyaa kahein jise

yahi hai zindagi kuchh khvaab chand ummidein
inhin khilaunon se tum bhi bahal sako to chalo

mujhe bhi us ki judaai sataati rahti hai
use bhi khvaab mein beTaa dikhaai detaa hai