Tariq Naeem

khol dete hain palaT aane pe darvaza-e-dil
aane vaale ka irada nahin dekha jaata

raat ro ro ke guzari hai charaghon ki tarah
tab kahin harf men tasir nazar aa.i hai

uTha uTha ke tire naaz ai gham-e-duniya
khud aap hi tiri aadat kharab ki ham ne

ye virani si yunhi to nahin rahti hai ankhon men
mire dil hi se koi jada-e-vahshat nikalta hai

zamin itni nahin hai ki paanv rakh paa.en
dil-e-kharab ki zid hai ki ghar banaya jaa.e

ye khayal tha kabhi khvab men tujhe dekhte
kabhi zindagi ki kitab men tujhe dekhte

vo aaina hai to hairat kisi jamaal ki ho
jo sang hai to kahin rahguzar mein rakkhaa jaae

ye viraani si yunhi to nahin rahti hai aankhon mein
mire dil hi se koi jaada-e-vahshat nikaltaa hai

tire khayaal ki lau hi safar mein kaam aai
mire charaag to lagtaa thaa roe ab roe

raat ro ro ke guzaari hai charaaghon ki tarah
tab kahin harf mein taasir nazar aai hai

khush-arzaani hui hai is qadar baazaar-e-hasti mein
giraan jis ko samajhtaa huun vo kam-qimat nikaltaa hai

abhi to mansab-e-hasti se main haTaa hi nahin
badal gae hain mire doston ke lahje bhi