Tariq Qamar

kya ajab log the guzre hain baDi shaan ke saath
raste chup hain magar naqsh-e-qadam bolte hain

ajab gharibi ke aalam men mar gaya ik shakhs
ki sar pe taaj tha daman men ik dua bhi na thi

har aadmi vahan masruf qahqahon men tha
ye ansuon ki kahani kise sunate ham

mizaj apna mila hi nahin zamane se
na main hua kabhi is ka na ye zamana mira

koi shikva na shikayat na vazahat koi
mez se bas miri tasvir haTa di us ne

main chahta huun kabhi yuun bhi ho ki meri tarah
vo mujh ko DhunDne nikle magar na paa.e mujhe

jaise mumkin ho in ashkon ko bachaao 'taariq'
shaam aai to charaaghon ki zarurat hogi

is lahje se baat nahin ban paaegi
talvaaron se kaise kaanTe nikleinge

phir aaj bhuuk hamaaraa shikaar kar legi
ki raat ho gai dariyaa mein jaal Daale hue

koi shikva na shikaayat na vazaahat koi
mez se bas miri tasvir haTaa di us ne

mizaaj apnaa milaa hi nahin zamaane se
na main huaa kabhi is kaa na ye zamaana miraa

saath hone ke yaqin mein bhi mire saath ho tum
aur na hone ke bhi imkaan mein rakkhaa hai tumhein