Waheed Akhtar

jo sunna chaho to bol uTThenge andhere bhi
na sunna chaho to dil ki sada suna.i na de

hazaron saal safar kar ke phir vahin pahunche
bahut zamana hua tha hamen zamin se chale

tu ghazal ban ke utar baat mukammal ho jaa.e
muntazir dil ki munajat mukammal ho jaa.e

kirnon se tarasha hua ik nuur ka paikar
sharmaya hua khvab ki chaukhaT pe khaDa hai

kal jahan zulm ne kaaTi thiin saron ki faslen
nam hui hai to usi khaak se lashkar nikla

mangne valon ko kya izzat o rusva.i se
dene valon ki amiri ka bharam khulta hai

zer-e-paa ab na zamin hai na falak hai sar par
sail-e-takhliq bhi girdaab kaa manzar niklaa

harf-e-inkaar hai kyuun naar-e-jahannam kaa halif
sirf iqraar pe kyuun baab-e-iram khultaa hai

maangne vaalon ko kyaa izzat o rusvaai se
dene vaalon ki amiri kaa bharam khultaa hai

jo sunnaa chaaho to bol uTTheinge andhere bhi
na sunnaa chaaho to dil ki sadaa sunaai na de

hazaaron saal safar kar ke phir vahin pahunche
bahut zamaana huaa thaa hamein zamin se chale

bichhDe hue khvaab aa ke pakaD lete hain daaman
har raasta parchhaaiyon ne rok liyaa hai