Zahoor Minhas

is qadar qahqahe hain duniya men
sharm aati hai mujh ko rote hue

du'a hai ye raqib bhi miri tarah hi khvar ho
main chahta huun aap ki raqib se bani rahe

kahin kahin se jo kapDon men bhi nahin Dhalta
main us badan ko bhi she'ron men Dhaal leta huun

'zahur' karna hai ran mubaddal-ba-kisht mujh ko
main apni talvar kuuT kar hal bana raha huun

ye to insaniyat ko Thokar hai
aadmi aadmi ka naukar hai

fikr-e-tajdid-e-hijr hai varna
kab mujhe vasl ki zarurat hai

fikr-e-tajdid-e-hijr hai varna
kab mujhe vasl ki zarurat hai

ye to insaaniyat ko Thokar hai
aadmi aadmi kaa naukar hai

vo thak gai thi bhiiD mein chalte hue 'zahur'
us ke badan pe an-ginat aankhon kaa bojh thaa

koi bhi hal nahin udaasi kaa
mujh se kamre ne baarhaa puchhaa

tamaam shahr mein baarish ki dhaak baiTh gai
jo uD rahi thi havaaon mein khaak baiTh gai

gaaDi mein bhi ghar ko soche jaataa huun
gaaDi aage aur main pichhe jaataa huun