koi bhi hal nahin udaasi kaa — Zahoor Minhas

fikr-e-tajdid-e-hijr hai varna
kab mujhe vasl ki zarurat hai

ye to insaaniyat ko Thokar hai
aadmi aadmi kaa naukar hai

vo thak gai thi bhiiD mein chalte hue 'zahur'
us ke badan pe an-ginat aankhon kaa bojh thaa

tamaam shahr mein baarish ki dhaak baiTh gai
jo uD rahi thi havaaon mein khaak baiTh gai

bheji tasvir bhi to aankhon ki
yaa'ni aankhein dikhaa rahi ho mujhe

gaaDi mein bhi ghar ko soche jaataa huun
gaaDi aage aur main pichhe jaataa huun

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kaanp uThti huun main ye soch ke tanhaai mein
mere chehre pe tiraa naam na paDh le koi

khudaa ko maan ki tujh lab ke chumne ke sivaa
koi ilaaj nahin aaj ki udaasi kaa

fazaa udaas hai rut muzmahil hai main chup huun
jo ho sake to chalaa aa kisi ki khaatir tu