gila hai apne muqaddar ki be-hisi se hamein — Naeem Saba
"gila hai apne muqaddar ki be-hisi se hamein aur is se baDh ke shikaayat hai zindagi se hamein kabhi nigaar-e-lab-e-shoala-vash kaa zikr chalaa kabhi hisaar-e-gham-e-jaan milaa kisi se hamein kabhi thaa qurb mein ik iztiraab kaa aalam kabhi qaraar milaa teri be-rukhi se hamein kabhi malaal huaa iltifaat-e-paiham se kabhi khushi thi bahut tark-e-dosti se hamein kabhi gumaan ki ye duniyaa hai ik fareb-e-nazar yaqin bhi hai khudaa ke vajud hi se hamein hayaat-e-jehd-e-musalsal mein kyon hai sargardaan zaraa pataa to chale ilm-o-aagahi se hamein agarche dil ko mili thi naved-e-subh-e-jamaal najaat mil na saki shab ki tirgi se hamein khaDe hain dasht-e-balaa-khez mein barahna-paa milaa hai izn-e-safar jazba-e-khudi se hamein 'sabaa' ye kaun si manzil hai dasht-e-imkaan mein na aashnaa se gharaz hai na ajnabi se hamein"
گلہ ہے اپنے مقدر کی بے حسی سے ہمیں اور اس سے بڑھ کے شکایت ہے زندگی سے ہمیں کبھی نگار لب شعلہ وش کا ذکر چلا کبھی حصار غم جاں ملا کسی سے ہمیں کبھی تھا قرب میں اک اضطراب کا عالم کبھی قرار ملا تیری بے رخی سے ہمیں کبھی ملال ہوا التفات پیہم سے کبھی خوشی تھی بہت ترک دوستی سے ہمیں کبھی گماں کہ یہ دنیا ہے اک فریب نظر یقین بھی ہے خدا کے وجود ہی سے ہمیں حیات جہد مسلسل میں کیوں ہے سرگرداں ذرا پتا تو چلے علم و آگہی سے ہمیں اگرچہ دل کو ملی تھی نوید صبح جمال نجات مل نہ سکی شب کی تیرگی سے ہمیں کھڑے ہیں دشت بلا خیز میں برہنہ پا ملا ہے اذن سفر جذبۂ خودی سے ہمیں صباؔ یہ کون سی منزل ہے دشت امکاں میں نہ آشنا سے غرض ہے نہ اجنبی سے ہمیں
गिला है अपने मुक़द्दर की बे-हिसी से हमें और इस से बढ़ के शिकायत है ज़िंदगी से हमें कभी निगार-ए-लब-ए-शो'ला-वश का ज़िक्र चला कभी हिसार-ए-ग़म-ए-जाँ मिला किसी से हमें कभी था क़ुर्ब में इक इज़्तिराब का आलम कभी क़रार मिला तेरी बे-रुख़ी से हमें कभी मलाल हुआ इल्तिफ़ात-ए-पैहम से कभी ख़ुशी थी बहुत तर्क-ए-दोस्ती से हमें कभी गुमाँ कि ये दुनिया है इक फ़रेब-ए-नज़र यक़ीन भी है ख़ुदा के वजूद ही से हमें हयात-ए-जेहद-ए-मुसलसल में क्यों है सरगर्दां ज़रा पता तो चले इल्म-ओ-आगही से हमें अगरचे दिल को मिली थी नवेद-ए-सुब्ह-ए-जमाल नजात मिल न सकी शब की तीरगी से हमें खड़े हैं दश्त-ए-बला-ख़ेज़ में बरहना-पा मिला है इज़्न-ए-सफ़र जज़्बा-ए-ख़ुदी से हमें 'सबा' ये कौन सी मंज़िल है दश्त-ए-इम्काँ में न आश्ना से ग़रज़ है न अजनबी से हमें
