kisi sayyaad ki paD jaae na chiDiyaa pe nazar — Aagha Akbarabadi

barq o simaab kaa 'aaghaa' na rahe naam-o-nishaan
dil ki betaabi se ik baar jo muztar main huun

— Aagha Akbarabadi

haath donon miri gardan mein hamaail kiije
aur ghairon ko dikhaa diije anguThaa apnaa

— Aagha Akbarabadi

tavaaf-e-kaaba ko kyaa jaaein haj nahin vaajib
kalaal-khaane ke kuchh din-daar ham bhi hain

— Aagha Akbarabadi

sharaab piite hain to jaagte hain saari raat
mudaam aabid-e-shab-zinda-daar ham bhi hain

— Aagha Akbarabadi

do-shaala shaal kashmiri amiron ko mubaarak ho
galim-e-kohna mein jaaDaa faqiron kaa basar hogaa

— Aagha Akbarabadi

hamein to un ki mohabbat hai koi kuchh samjhe
hamaare saath mohabbat unhein nahin to nahin

— Aagha Akbarabadi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

— Siraj Aurangabadi

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

— Momin Khan Momin