tavāf-e-ka.aba ko kyā jaa.eñ haj nahīñ vājib — Shayari Of Aagha Akbarabadi

va.ada-e-bāda-e-at.har kā bharosa kab tak
chal ke bhaTTī pe piyeñ jur.a-e-irfāñ kaisā

do-shāla shaal kashmīrī amīroñ ko mubārak ho
galīm-e-kohna meñ jaaḌā faqīroñ kā basar hogā

sharāb piite haiñ to jāgte haiñ saarī raat
mudām ābid-e-shab-zinda-dār ham bhī haiñ

junūñ ke haath se hai in dinoñ garebāñ tañg
qabā pukārtī hai taar taar ham bhī haiñ

jaadū bar-haq hai to kāfir hai ayaañ rā-che-bayāñ
terā maarā huā ai chashm-e-fusūñ-gar maiñ huuñ

barq o sīmāb kā 'āġhā' na rahe nām-o-nishāñ
dil kī betābī se ik baar jo muztar maiñ huuñ