barq o simaab kaa 'aaghaa' na rahe naam-o-nishaan — Aagha Akbarabadi

haath donon miri gardan mein hamaail kiije
aur ghairon ko dikhaa diije anguThaa apnaa

tavaaf-e-kaaba ko kyaa jaaein haj nahin vaajib
kalaal-khaane ke kuchh din-daar ham bhi hain

sharaab piite hain to jaagte hain saari raat
mudaam aabid-e-shab-zinda-daar ham bhi hain

do-shaala shaal kashmiri amiron ko mubaarak ho
galim-e-kohna mein jaaDaa faqiron kaa basar hogaa

vaada-e-baada-e-athar kaa bharosa kab tak
chal ke bhaTTi pe piyein jura-e-irfaan kaisaa

hamein to un ki mohabbat hai koi kuchh samjhe
hamaare saath mohabbat unhein nahin to nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

dhuum naalon ne yahaan tak to machaai hai 'sharar'
bakht-e-khufta ko dil-e-zaar ne sone na diyaa

office ki faailon mein tiri zulf kaa khayaal
dil apne kaam se hai dimaagh apne kaam se

dalil di gai kahin nizaam se kiyaa gayaa
hamaaraa faisla hamaare naam se kiyaa gayaa