do-shāla shaal kashmīrī amīroñ ko mubārak ho — Shayari Of Aagha Akbarabadi

sharāb piite haiñ to jāgte haiñ saarī raat
mudām ābid-e-shab-zinda-dār ham bhī haiñ

but nazar ā.eñge māshūqoñ kī kasrat hogī
aaj but-ḳhāna meñ allāh kī qudrat hogī

paan khā kar jo ugaal aap ne thūkā sāhab
jauharī mahv hue la.al-e-yaman yaad aayā

junūñ ke haath se hai in dinoñ garebāñ tañg
qabā pukārtī hai taar taar ham bhī haiñ

va.ada-e-bāda-e-at.har kā bharosa kab tak
chal ke bhaTTī pe piyeñ jur.a-e-irfāñ kaisā

tavāf-e-ka.aba ko kyā jaa.eñ haj nahīñ vājib
kalāl-ḳhāne ke kuchh dīn-dār ham bhī haiñ

sau sau umīdeñ bañdhtī hai ik ik nigāh par
mujh ko na aise pyaar se dekhā kare koī

dil nā-umīd to nahīñ nākām hī to hai
lambī hai ġham kī shaam magar shaam hī to hai

kabhī kisī ko mukammal jahāñ nahīñ miltā
kahīñ zamīn kahīñ āsmāñ nahīñ miltā

rahī na tāqat-e-guftār aur agar ho bhī
to kis umiid pe kahiye ki aarzū kyā hai

na būjho āsmāñ par tum sitāre
hamārī aah kī chingāriyāñ haiñ

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo