dukh pe mere ro rahaa thaa jo bahut — Aazim Kohli

zindagi sundar ghazal hai dosto
zindagi ko gungunaanaa chaahiye

'aazim' teri barbaadi mein sab ne mil-jul kar kaam kiyaa
kuchh khel lakiron kaa bhi hai kuchh vaqt ki kaar-guzaari bhi

baat chal niklegi phir iqraar ki inkaar ki
phir vahi bachpan ke bhule giit gaae jaaeinge

sabr ki takraar thi josh o junun-e-ishq se
zindagi bhar dil mujhe main dil ko samjhaataa rahaa

ham lakirein kured kar dekhein
rang laaegaa kyaa ye saal nayaa

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge