ab charaaghon mein zindagi kam hai — Abdul Majeed Khan Majeed

nahin milti unhein manzil jinhein khauf-e-havaadis hai
jo maujon se nahin Darte nadi ko paar karte hain

— Abdul Majeed Khan Majeed

zindagi chhoTi hai saamaan bahut
aur dil ke bhi hain armaan bahut

— Abdul Majeed Khan Majeed

bevafaa kahiye baa-vafaa kahiye
dil mein aae jo barmalaa kahiye

— Abdul Majeed Khan Majeed

na jaane kis ki yaad ne li dil mein gudgudi
aaina dekh dekh ke sharmaa rahe hain ham

— Abdul Majeed Khan Majeed

kahaan shikva zamaane kaa pas-e-divaar karte hain
hamein karnaa hai jo bhi ham sar-e-baazaar karte hain

— Abdul Majeed Khan Majeed

kaif-o-masti surur kyaa maani
zindagi mein bhi ab khushi kam hai

— Abdul Majeed Khan Majeed

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim