aaj suraj ne kah diyaa 'momin' — Abdurrahman Momin

abhi se tujh ko paDi hai visaal ki miri jaan
abhi to hijr ne unvaan hi nahin paayaa

yaad aate hain ve din bahut
kyon na ve din dobaaraa karein

ve saamne se jaa chukaa to ye khulaa
vo khvaab lag rahaa thaa khvaab thaa nahin

jaane kyaa kah rahaa thaa vo mujh se
main ne bhi kah diyaa ki khush huun main

khvaab mere churaa liye us ne
jis ko main ne udhaar diin aankhein

us ne vaada nahin liyaa mujh se
aur kahtaa hai main mukar rahaa huun