dekh lein aap bhi raunaqein khuld ki — Aharas Siddiqui

dekhe hai un ki zulf ko har roz aaina
'ahras' siyaah-bakht ko ye bhi nahin nasib

zindagi Dhote hue log kahaan tak jaaein
koi is sang-e-garaan se nahin bach paayaa hai

ik musalsal dhaDak phir yakaayak sukun
un ke dekhe se dil kaa 'ajab haal hai

phir nahin mere sivaa koi bhi hotaa teraa
tu agar jaan ye jaataa ki mohabbat kyaa hai

TuTegaa aap kaa dil khadsha hai ye mujhe
zinhaar mujh se nisbat rakhiye na aap bhi

main ne ik baar mohabbat se na dekhaa us ko
jis ne har baar mohabbat se mujhe dekhaa hai