zamaana guzraa havaa phir se yaad aane lagaa — Amber Waseem Allahabadi

tu muskuraati rahe hai ye aarzu meri
main teri ankhon ko barsaat de nahin saktaa

— Amber Waseem Allahabadi

tiri nigaah bani aaina miri khaatir
main khud ko dekh ke kal raat muskuraane lagaa

— Amber Waseem Allahabadi

mujhe yaqin hai miraa saath de nahin saktaa
jo mere haathon mein ab haath de nahin saktaa

— Amber Waseem Allahabadi

hijaab-e-abr rukh-e-mahtaab se chhalkaa
vo apne chehre se parde ko jab haTaane lagaa

— Amber Waseem Allahabadi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

— Jigar Moradabadi

yaad rakhnaa bhi ik ibaadat hai
kyuun na ham un kaa haafiza ho jaaein

— Ashhad Bilal Ibn