dastak pe ab gharon se koi boltaa nahin — Anees Ashfaq

to kyaa huaa jo galaa ye rasan mein rahne lagaa
maza to daana-e-haq kaa dahan mein rahne lagaa

dekhaa hai kisi aahu-e-khush-chashm ko us ne
aankhon mein bahut us ki chamak aai hui hai

is pe hairaan hain kharidaar ki qimat hai bahut
mere gauhar ki tab-o-taab nahin dekhte hain

ye khaana hamesha se viraan hai
kahaan koi dil ke makaan mein rahaa

ham tere aasmaan mein ai harf-e-e'tibaar
uDnaa to chaahte hain magar par kahaan se laaein

na mere haath se chhuTnaa hai mere neze ko
na tere tiir ko teri kamaan mein rahnaa hai