dekhaa hai kisi aahu-e-khush-chashm ko us ne — Anees Ashfaq

to kyaa huaa jo galaa ye rasan mein rahne lagaa
maza to daana-e-haq kaa dahan mein rahne lagaa

is pe hairaan hain kharidaar ki qimat hai bahut
mere gauhar ki tab-o-taab nahin dekhte hain

ye khaana hamesha se viraan hai
kahaan koi dil ke makaan mein rahaa

ham tere aasmaan mein ai harf-e-e'tibaar
uDnaa to chaahte hain magar par kahaan se laaein

dastak pe ab gharon se koi boltaa nahin
pahle ye shahr shahr-e-'adam-raftagaan na thaa

na mere haath se chhuTnaa hai mere neze ko
na tere tiir ko teri kamaan mein rahnaa hai

gham hai na ab khushi hai na ummid hai na yaas
sab se najaat paae zamaane guzar gae

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

nahin nahin main bahut khush rahaa huun tere baghair
yaqin kar ki ye haalat abhi abhi hui hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

nigaah-e-qahr ke maare jab itnaa khush hain to phir
nigaah-e-lutf ke maaron kaa haal kyaa hogaa

bahut dinon se hai dil apnaa khaali khaali saa
khushi nahin to udaasi se bhar gae hote