ye khaana hamesha se viraan hai — Anees Ashfaq

to kyaa huaa jo galaa ye rasan mein rahne lagaa
maza to daana-e-haq kaa dahan mein rahne lagaa

dekhaa hai kisi aahu-e-khush-chashm ko us ne
aankhon mein bahut us ki chamak aai hui hai

is pe hairaan hain kharidaar ki qimat hai bahut
mere gauhar ki tab-o-taab nahin dekhte hain

ham tere aasmaan mein ai harf-e-e'tibaar
uDnaa to chaahte hain magar par kahaan se laaein

dastak pe ab gharon se koi boltaa nahin
pahle ye shahr shahr-e-'adam-raftagaan na thaa

na mere haath se chhuTnaa hai mere neze ko
na tere tiir ko teri kamaan mein rahnaa hai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

mumkin hai yahi dil ke milaane kaa sabab ho
ye rut jo hamein haath milaane nahin deti