paap karo ji khol kar dhabbon ki kyaa soch — Anjum Rumani

nai zindagi ke nae makr o fan
nae aadmi ki nai chaal-Dhaal

— Anjum Rumani

dil se uThtaa hai subh-o-shaam dhuaan
koi rahtaa hai is makaan mein abhi

— Anjum Rumani

sach ke saude mein na paDnaa ki khasaaraa hogaa
jo huaa haal hamaaraa so tumhaaraa hogaa

— Anjum Rumani

ye jitne masale hain mashghale hain sab faraaghat ke
na tum be-kaar baiThe ho na ham be-kaar baiThe hain

— Anjum Rumani

dete nahin sujhaai jo duniyaa ke khatt-o-khaal
aae hain tirgi mein magar raushni se ham

— Anjum Rumani

samjhi gai jo baat hamaari ghalat to kyaa
yaan tarjuma kuchh aur hai aayat kuchh aur hai

— Anjum Rumani

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal