sach ke saude mein na paDnaa ki khasaaraa hogaa — Anjum Rumani

nai zindagi ke nae makr o fan
nae aadmi ki nai chaal-Dhaal

— Anjum Rumani

dil se uThtaa hai subh-o-shaam dhuaan
koi rahtaa hai is makaan mein abhi

— Anjum Rumani

ye jitne masale hain mashghale hain sab faraaghat ke
na tum be-kaar baiThe ho na ham be-kaar baiThe hain

— Anjum Rumani

dete nahin sujhaai jo duniyaa ke khatt-o-khaal
aae hain tirgi mein magar raushni se ham

— Anjum Rumani

paap karo ji khol kar dhabbon ki kyaa soch
jab ji chaahaa dho liye gangaa-jal ke saath

— Anjum Rumani

samjhi gai jo baat hamaari ghalat to kyaa
yaan tarjuma kuchh aur hai aayat kuchh aur hai

— Anjum Rumani

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif