mire ashk bhi hain is mein ye sharaab ubal na jaae — Anwar Mirzapuri

ai kaash hamaari qismat mein aisi bhi koi shaam aa jaae
ik chaand falak par niklaa ho ik chaand sar-e-baam aa jaae

— Anwar Mirzapuri

mujhe phunkne se pahle miraa dil nikaal lenaa
ye kisi ki hai amaanat mire saath jal na jaae

— Anwar Mirzapuri

abhi raat kuchh hai baaqi na uThaa naqaab saaqi
tiraa rind girte girte kahin phir sambhal na jaae

— Anwar Mirzapuri

main nazar se pi rahaa huun ye samaan badal na jaae
na jhukaao tum nigaahein kahin raat Dhal na jaae

— Anwar Mirzapuri

akelaa paa ke mujh ko yaad un ki aa to jaati hai
magar phir lauT kar jaati nahin main kaise so jaaun

— Anwar Mirzapuri

main khush huun agar gulshan ke liye kuchh meraa lahu kaam aa jaae
lekin mujh ko Dar hai is kaa gulchin pe na ilzaam aa jaae

— Anwar Mirzapuri

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

zindagi zor hai ravaani kaa
kyaa thamegaa bahaav paani kaa

— Abdul Hamid Adam

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

ishq phir ishq hai aashufta-sari maange hai
hosh ke daur mein bhi jaama-dari maange hai

— Unwan Chishti