zindagi zor hai ravaani kaa — Abdul Hamid Adam

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

ijaazat ho to main tasdiq kar luun teri zulfon se
sunaa hai zindagi ik khub-surat daam hai saaqi

savaal kar ke main khud hi bahut pashemaan huun
javaab de ke mujhe aur sharmsaar na kar

marne vaale to khair hain bebas
jiine vaale kamaal karte hain

mai-kada hai yahaan sukun se baiTh
koi aafat idhar nahin aati

ai gham-e-zindagi na ho naaraaz
mujh ko aadat hai muskuraane ki

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

qaid-e-gham-e-hayaat bhi kyaa chiiz hai 'fanaa'
raah-e-faraar mil na saki umr-bhar phire

ai 'fanaa' miltaa hai aashiq ko baqaa kaa paighaam
zindagi jab rah-e-ulfat mein fanaa hoti hai

dhuup ki sakhti to thi lekin 'faraaz'
zindagi mein phir bhi thaa saaya bahut