vafaa tum se kareinge dukh saheinge naaz uThaaeinge — Arzoo Lakhnavi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

— Arzoo Lakhnavi

aap apne se barhami kaisi
main nahin koi aur hai ye bhi

— Arzoo Lakhnavi

hasraton kaa dil se qabza uTh gayaa
ghaasibon ki hukmraani khatm hai

— Arzoo Lakhnavi

khamoshi meri maani-khez thi ai aarzu kitni
ki jis ne jaisaa chaahaa vaisaa afsaana banaa Daalaa

— Arzoo Lakhnavi

phir chaahe to na aanaa o aan baan vaale
jhuTaa hi vaada kar le sachchi zabaan vaale

— Arzoo Lakhnavi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri