saari duniyaa se be-niyaazi hai — Asar Sahbai

tumhaari yaad mein duniyaa ko huun bhulaae hue
tumhaare dard ko siine se huun lagaae hue

ye husn-e-dil-fareb ye aalam shabaab kaa
goyaa chhalak rahaa hai piyaala sharaab kaa

tere shabaab ne kiyaa mujh ko junun se aashnaa
mere junun ne bhar diye rang tiri shabaab mein

jis husn ki hai chashm-e-tamannaa ko justuju
vo aaftaab mein hai na hai maahtaab mein

ilaahi kashti-e-dil bah rahi hai kis samundar mein
nikal aati hain maujein ham jise saahil samajhte hain

aah kyaa kyaa aarzuein nazr-e-hirmaan ho gaiin
roiye kis kis ko aur kis kis kaa maatam kijiye