ubalte vaqt paani sochtaa hogaa zarur — Ashwani Mittal 'Aish'

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

fikr-e-taamir mein huun phir bhi main ghar ki ai charkh
ab talak tu ne khabar di nahin sailaab ke taiin

main zindagi kaa saath nibhaataa chalaa gayaa
har fikr ko dhuein mein uDaataa chalaa gayaa

tum apne baare mein kuchh der sochnaa chhoDo
to main bataaun ki tum kis qadar akele ho

dil ke muaamale mein natije ki fikr kyaa
aage hai ishq jurm-o-sazaa ke maqaam se