kahin suraj nazar aataa nahin hai — Asim Tanha

gumaan kahtaa hai meraa ki ek din mujh par
tiri vafaa tiri chaahat kaa maan barsegaa

tumhaare ghar ke raste ki udaasi khatm ho jaae
mujhe ghar tak bulaane se tumhein kyaa farq paDtaa hai

Dubtaa huun to mujhe haath kai milte hain
kitni hasrat se kinaaron ki taraf dekhtaa huun

jo manzilon ke nishaanaat de rahi hain tumhein
hamaari guunj bhi shaamil hai in sadaaon mein