ye nahin dekhte kitni hai riyaazat kis ki — Azhar Faragh

bahut se saanp the is ghaar ke dahaane par
dil is liye bhi khazaana shumaar hone lagaa

badal ke dekh chuki hai reaayaa saahib-e-takht
jo sar qalam nahin kartaa zabaan khinchtaa hai

bhanvar se ye jo mujhe baadbaan khinchtaa hai
zarur koi havaaon ke kaan khinchtaa hai

dalil us ke dariche ki pesh ki main ne
kisi ko patli gali se nahin nikalne diyaa

vasl ke ek hi jhonke mein
kaan se baale utar gae

aisi ghurbat ko khudaa ghaarat kare
phuul bhejvaane ki gunjaaish na ho