aisi ghurbat ko khudaa ghaarat kare — Azhar Faragh

bahut se saanp the is ghaar ke dahaane par
dil is liye bhi khazaana shumaar hone lagaa

badal ke dekh chuki hai reaayaa saahib-e-takht
jo sar qalam nahin kartaa zabaan khinchtaa hai

bhanvar se ye jo mujhe baadbaan khinchtaa hai
zarur koi havaaon ke kaan khinchtaa hai

dalil us ke dariche ki pesh ki main ne
kisi ko patli gali se nahin nikalne diyaa

vasl ke ek hi jhonke mein
kaan se baale utar gae

ye nahin dekhte kitni hai riyaazat kis ki
log aasaan samajh lete hain aasaani ko

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

ham giraftaaron ko ab kyaa kaam hai gulshan se lek
ji nikal jaataa hai jab sunte hain aati hai bahaar

niklaa zabaan se jhuuT jo sach ke libaas mein
baDh ke sabhi ne ham ko gale se lagaa liyaa