bahut se saanp the is ghaar ke dahaane par — Azhar Faragh

ye nahin dekhte kitni hai riyaazat kis ki
log aasaan samajh lete hain aasaani ko

badal ke dekh chuki hai reaayaa saahib-e-takht
jo sar qalam nahin kartaa zabaan khinchtaa hai

bhanvar se ye jo mujhe baadbaan khinchtaa hai
zarur koi havaaon ke kaan khinchtaa hai

dalil us ke dariche ki pesh ki main ne
kisi ko patli gali se nahin nikalne diyaa

vasl ke ek hi jhonke mein
kaan se baale utar gae

aisi ghurbat ko khudaa ghaarat kare
phuul bhejvaane ki gunjaaish na ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

us ke dil par bhi kaDi ishq mein guzri hogi
naam jis ne bhi mohabbat kaa sazaa rakkhaa hai

ik din vo mil gae the sar-e-rahguzar kahin
phir dil ne baiThne na diyaa umr bhar kahin

har dil-fareb chiiz nazar kaa ghubaar hai
aankhein hasin hon to khizaan bhi bahaar hai

vahi kaifiyyat-e-chashm-o-dil-o-jaan hai 'iqbaal'
na koi rabt banaa aur na rishta TuuTaa