dalil us ke dariche ki pesh ki main ne — Azhar Faragh

ye nahin dekhte kitni hai riyaazat kis ki
log aasaan samajh lete hain aasaani ko

bahut se saanp the is ghaar ke dahaane par
dil is liye bhi khazaana shumaar hone lagaa

badal ke dekh chuki hai reaayaa saahib-e-takht
jo sar qalam nahin kartaa zabaan khinchtaa hai

bhanvar se ye jo mujhe baadbaan khinchtaa hai
zarur koi havaaon ke kaan khinchtaa hai

vasl ke ek hi jhonke mein
kaan se baale utar gae

aisi ghurbat ko khudaa ghaarat kare
phuul bhejvaane ki gunjaaish na ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

javaano nazr de do apne khun-e-dil kaa har qatra
likhaa jaaegaa hindostaan ko farmaan-e-aazaadi

tah bah tah jamti chali jaati hai sannaaTon ki gard
haal-e-dil sab dekhte hain puchhtaa koi nahin

dil is tarah havaa-e-mohabbat mein jal gayaa
bhaDki kahin na aag na uTThaa dhuaan kahin

loTte rahte hain mujh par chaahne vaalon ke dil
varna yuun poshaak teri malgaji hoti nahin