yuun to kai kitaabein paDhin zehn mein magar — Bekal Utsahi

chaandi ke gharondon ki jab baat chali hogi
miTTi ke khilaunon se bahlaae gae honge

biich saDak ik laash paDi thi aur ye likkhaa thaa
bhuuk mein zahrili roTi bhi miThi lagti hai

log to jaa ke samundar ko jalaa aae hain
main jise phunk kar aayaa vo miraa ghar niklaa

khudaa kare miraa munsif sazaa sunaane par
miraa hi sar mire qaatil ke ru-ba-ru rakh de

badan ki aanch se sanvlaa gae hain pairaahan
main phir bhi subh ke chehre pe shaam likhtaa huun

har ek lahza miri dhaDkanon mein chubhti thi
ajiib chiiz mire dil ke aas-paas rahi