biich saDak ik laash paDi thi aur ye likkhaa thaa — Bekal Utsahi

har ek lahza miri dhaDkanon mein chubhti thi
ajiib chiiz mire dil ke aas-paas rahi

chaandi ke gharondon ki jab baat chali hogi
miTTi ke khilaunon se bahlaae gae honge

log to jaa ke samundar ko jalaa aae hain
main jise phunk kar aayaa vo miraa ghar niklaa

khudaa kare miraa munsif sazaa sunaane par
miraa hi sar mire qaatil ke ru-ba-ru rakh de

badan ki aanch se sanvlaa gae hain pairaahan
main phir bhi subh ke chehre pe shaam likhtaa huun

yuun to kai kitaabein paDhin zehn mein magar
mahfuz ek saada varaq der tak rahaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

mujh ko shaaer na kaho 'mir' ki saahab main ne
dard o gham kitne kiye jama to divaan kiyaa

aao tum hi karo masihaai
ab bahalti nahin hai tanhaai

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa