chaandi ke gharondon ki jab baat chali hogi — Bekal Utsahi

har ek lahza miri dhaDkanon mein chubhti thi
ajiib chiiz mire dil ke aas-paas rahi

biich saDak ik laash paDi thi aur ye likkhaa thaa
bhuuk mein zahrili roTi bhi miThi lagti hai

log to jaa ke samundar ko jalaa aae hain
main jise phunk kar aayaa vo miraa ghar niklaa

khudaa kare miraa munsif sazaa sunaane par
miraa hi sar mire qaatil ke ru-ba-ru rakh de

badan ki aanch se sanvlaa gae hain pairaahan
main phir bhi subh ke chehre pe shaam likhtaa huun

yuun to kai kitaabein paDhin zehn mein magar
mahfuz ek saada varaq der tak rahaa

vo chaand hai to aks bhi paani mein aaegaa
kirdaar khud ubhar ke kahaani mein aaegaa

chaand ban kar chamakne vaale ne
mujh ko suraj-misaal kar Daalaa

shaayad aa jaae kisi vaqt lab-e-baam vo chaand
shaam se subah talak band daricha na kiyaa

samjhaa hai haq ko apne hi jaanib har ek shakhs
ye chaand us ke saath chalaa jo jidhar gayaa

ik divaar pe chaand Tikaa thaa
main ye samjhaa tum baiThe ho

jali hain dhuup mein shaklein jo maahtaab ki thiin
khinchi hain kaanTon pe jo pattiyaan gulaab ki thiin