kitne ilzaam aakhir apne sar — Betab Azimabadi

dil jo detaa hai zaraa soch le anjaam ko bhi
un ki aankhon mein muravvat nahin kuchh naam ko bhi

laD gai un se nazar khinch gae abru un ke
maarke ishq ke ab tir-o-kamaan tak pahunche

asar na puchhiye saaqi ki mast aankhon kaa
ye dekhiye ki koi hoshyaar baaqi hai

taDap ke rah gai bulbul qafas mein ai sayyaad
ye kyaa kahaa ki abhi tak bahaar baaqi hai