asar na puchhiye saaqi ki mast aankhon kaa — Betab Azimabadi

dil jo detaa hai zaraa soch le anjaam ko bhi
un ki aankhon mein muravvat nahin kuchh naam ko bhi

laD gai un se nazar khinch gae abru un ke
maarke ishq ke ab tir-o-kamaan tak pahunche

taDap ke rah gai bulbul qafas mein ai sayyaad
ye kyaa kahaa ki abhi tak bahaar baaqi hai

kitne ilzaam aakhir apne sar
tum ne ghairon ko sar chaDhaa ke liye

jab ki pahlu se yaar uThtaa hai
dard be-ikhtiyaar uThtaa hai

saadgi o purkaari be-khudi o hushyaari
husn ko taghaaful mein jurat-aazmaa paayaa

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

tazkire mein tire ik naam ko yuun joD diyaa
doston ne mujhe shishe ki tarah toD diyaa

baagh-e-jahaan ke gul hain yaa khaar hain to ham hain
gar yaar hain to ham hain aghyaar hain to ham hain

is taraf dair udhar kaaba kidhar ko jaaun
is do-raahe mein kahaan yaar rahaa kartaa hai