shab bhi hai vahi ham bhi vahi tum bhi vahi ho — Bushra Ejaz

mire nukta-daan tiraa fahm apni misaal hai
main huun ek saada savaal koi javaab de

— Bushra Ejaz

jab raakh se uTThegaa kabhi ishq kaa shoala
phir paaegi ye khaak shifaa aur tarah ki

— Bushra Ejaz

miri apni aur us ki aarzu mein farq ye thaa
mujhe bas vo use saaraa zamaana chaahiye thaa

— Bushra Ejaz

apne saare raaste andar ki jaanib moD kar
manzilon kaa ik nishaan baahar banaanaa chaahiye

— Bushra Ejaz

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib